ABŞ Türkiyədəki şirkətlərə sanksiya TƏTBİQ ETDİ

ABŞ Maliyyə Nazirliyi Rusiyanın Ukrayna müharibəsinə görə tətbiq etdiyi sanksiyaları pozmaq səylərini hədəfə alıb. Yeni elan edilən sanksiyalar siyahısında Türkiyədən üç şirkət var.
ABŞ Maliyyə Departamentindən verilən açıqlamaya görə, yeni sanksiyalar Rusiyanın müdafiə sənayesini, habelə kimyəvi və bioloji silah proqramları və Rusiyanın müdafiə sənayesi üçün mühüm materiallar təmin edən üçüncü ölkələrdəki şirkət və şəxsləri hədəf alıb.

Dövlət katibi Antoni Blinken və maliyyə naziri Janet Yellen Çinə səfəri zamanı şirkətlərin Rusiya ordusuna verdiyi dəstək barədə Pekinə xəbərdarlıq ediblər.

Vaşinqton Çin, Türkiyə və Birləşmiş Ərəb Əmirliklərinin bəzi şirkətlərinə sanksiya tətbiq etməklə Moskvanın Qərb ölkələrinin tətbiq etdiyi sanksiyaları pozmasının qarşısını almağa çalışıb.

ABŞ Maliyyə Nazirliyi və Dövlət Departamentinin elan etdiyi yeni sanksiyalarla ümumilikdə 300-ə yaxın şirkət, fərd və qurum hədəfə alınıb.

Onlardan 60-a yaxını Azərbaycan, Çin, Belçika, Türkiyə, Birləşmiş Ərəb Əmirlikləri və Slovakiyada yerləşir.