Məktəblilər Tovuz Qalasında - FOTO EKSKLÜZİV

ULUSUM.az saytı xəbər verir ki, Tovuz rayonu Hacıhəsənli kənd Y. Alıyev adına tam orta məktəbin IX sinif şagirdləri qədim Tovuz qalasında və Tovuz Tarix Diyarşünaslıq muzeyində Tovuzun tarixi, etnoqrafiyası və mədəniyyət nümunələri ilə tanış olublar.

Tədris İşləri üzrə direktor müavini, tarix müəllimi Elçin Rzayevin təşəbbüsü və təşkilatçılığı ilə baş tutan gəzinti zamanı məktəblilərin doğma rayonlarının tarixi haqda əyani təsəvvürləri xeyli genişlənib.
Onlar həmçinin "Yaşıl dünya naminə həmrəylik ili" çərçivəsində vətənpərvərlik mövzusunda maarifləndiriliblər.

Qeyd edək ki, şagirdlərdən biri- Alıyev Ramilin tapdığı qədim və qiymətli daşı muzeyə təqdim etməsi təqdirəlayiq hal kimi qiymətləndirilib.

Nəzərə alınmalıdır ki, Tovuz rayonunun tarixi çox qədimlərə gedib çıxdığından, demək olar ki, onun hər daşı, qayası ciddi araşdırma tələb edir.

Aymirə Ağamirova