Ədliyyə Nazirliyi yanında İctimai Şuranın yeni tərkibi seçildi

Aprelin 21-də "Ulusum". az xəbər verir ki, Ədliyyə Nazirliyi yanında İctimai Şuranın yeni tərkibinin formalaşdırılması məqsədilə seçkilər keçirilib. Seçkilərin təşkili üçün 9 nəfərlik Seçki Komissiyası yaradılıb və bu barədə elan verilib. İctimai Şuraya üzv olmaq üçün vətəndaş cəmiyyəti institutlarından 10 nəfərin namizədliyi təsdiqlənib. Səsvermə nəticəsində ən çox səs toplamış 7 nəfər İctimai Şuraya üzv seçilib.

Yeni seçilən üzvlər aşağıdakılardır:

1. Bənənyarlı Səadət İzzət qızı - “Beynəlxalq İnsan Hüquqları Cəmiyyəti Azərbaycan Milli Bölməsi” İctimai Birliyinin sədri
2. Cəfərova Novella Cəfər qızı - “D.Əliyeva adına Azərbaycan Qadınlarının Hüquqlarının Müdafiə Cəmiyyəti” İctimai Birliyinin sədri
3. Əliyev Əmir İbrahim oğlu - “İnsan Hüquqlarının Təşviqi Mərkəzi” İctimai Birliyinin sədri
4. Əsgərova Mətanət Paşa qızı - Azərbaycan Dillər Universitetinin Beynəlxalq münasibətlər kafedrasının və Milli Aviasiya Akademiyasının Hüquq kafedrasının professoru, hüquq elmləri doktoru
5. İsmayılov Xəyyam Cəbrayıl oğlu - Bakı Dövlət Universitetinin Hüquq fakültəsinin Dövlət və hüquq nəzəriyyəsi və tarixi kafedrasının professoru
6. Qənizadə Çingiz Aşralı oğlu - “Demokratiya və İnsan Hüquqları Komitəsi” İctimai Birliyinin sədri
7. Qocamanlı Səltənət Məmməd qızı - “İnsan Hüquqlarının və Qanunçuluğun Müdafiəsi” İctimai Birliyinin sədri



“İctimai iştirakçılıq haqqında” Azərbaycan Respublikasının Qanununa əsasən, İctimai Şuranın səlahiyyət müddəti iki ildir.