Bu qaydanı pozanlar CƏRİMƏLƏNƏCƏK - EKSKLÜZİV

Balıqların kürütökmə dövrü ilə əlaqədar may ayının 1-dən Azərbaycanda bütün su hövzələrində balıq ovuna moratorium qüvvəyə minir.

Ulusum.az xəbər verir ki, bunu Bioloji Müxtəlifliyin Qorunması Xidmətinin rəis müavini Arzu Babayeva bildirib.

Onun sözlərinə görə, bu proses sentyabrın 1-dək davam edəcək.

Xidmət rəsmisi balıq ovu ilə məşğul olan bütün fiziki və hüquqi şəxsləri qaydalara əməl etməyə, qadağan olunmuş vaxtlarda, qadağan olunmuş alətlərlə balıq ovlamaqdan çəkinməyə çağırıb.

“Cari ilin may ayının birindən Xəzər Dənizində sənaye balıq ovuna moratorium qüvvəyə minib. Balıq ovuna qadağalar NK-nın 2017-ci il 243 nömrəli qərarı ilə tənzimlənir. Qanunverciliyə əsasən,qadağa sənaye balıq ovu ilə məşğul olan fiziki və hüquqi şəxslər üçün may ayının 1-dən sentyabr ayının 1-dək, idman və həvəskar balıq ovu ilə məşğul olan şəxslərə üçün isə may ayının 1-dən iyul ayının 1-dək davam edəcək".

Sözügedən moratorium nə ilə bağlıdır?
"Moratorium balıqların xüsusiyyətləri, kürüləmə və saylarının artması ilə əlaqədardır. Qadağa müəyyən olunan müddətlərdə balıq ovu ilə məşğul olan şəxslər qanunvericiliyə uyğun qaydada məsuliyyətə cəlb ediləcəklər. İl boyu ETSN yanında Dövlət Ekoloji Təhlükəsizlik Xidməti və DİN-in Su Nəqliyyatında Polis İdarəsi ilə birgə təşkil edilən reydlər qadağa müddətində də intensiv şəkildə davam edəcək".

Xidmət rəisi bu baxımdan hər kəsi qadağalara və qanunun şərtlərinə əməl etməyə çağırıb.

Ağa Dadaşzadə