Aşıqlar arasında QALMAQAL: “Başından böyük yalan danışmısan!”

Aşıq Telli Borçalı "Rəngarəng səhər" verilişində qonaq olub.

ULUSUM.az bildirir ki, o, aşıq Zülfiyyə İbadovanın onun haqqında səsləndirdiyi fikirlərə münasibət bildirib:

"Həmin açıqlamaya baxmışam. Bəli, Zülfiyyə xanım onu deyib. Amma bir var yalan, bir də var ağ yalan. Hətta başından böyük yalan danışıb. Özü ilə də danışmışam. O qədər yalan danışıb ki, guya mən hər gün bunların restoranına getmişəm".

Əməkdar artist İlkin Əhmədov T.Borçalının bu çıxışına etiraz edib və o efirdə olarkən belə bir mövzunun işıqlandırılmasını istəməyib.

Telli isə onun bu istəyinə məhəl qoymayıb və fikirlərini belə tamamlayıb:

"Mən cavabını verməliyəm. Elə bir şey olmayıb axı. Mən də indi durum Zülfiyyə haqqında elə bir zarafat edim. Sonra da gedim ki, sən Allah bağışla. Elə şey olur?".

Qeyd edək ki, Zülfiyyə daha əvvəl açıqlamasında sahibi olduğu restorandan danışaraq "Aşıq Telliyə sazımı etibar etmərəm. Həmişə gəlir bizim restorana yeyir, sonra da sazını unudub gedir. Zəng edir ki, sazım orada qalıb" deyə, bildirib.