ABŞ “Kərimovun super yaxtası” ilə bağlı qərar verdi

Amerika məhkəməsi, ABŞ-ın Ədliyyə Nazirliyinin təxminlərinə görə, Rusiya biznesmeni Süleyman Kərimov ilə əlaqəli olduğu iddia edilən "Amadea" yaxtasının müsadirə edilməsi barədə qərar qəbul edib.

“Ulusum”.az xəbər verir ki, bu barədə Reuters agentliyi məlumat yayıb.

Dairə məhkəməsinin hakimi Dale Ho, Rusiya oligarxının yaxtaya 2021-ci ildən sahib olduğunu təsdiqləyib.

Bununla yanaşı, rəsmi olaraq yaxta, Kayman adalarında yerləşən "Millemarin Investments" şirkətinin adına qeydiyyatdan keçirilib, -agentlik qeyd edir.

Şirkəti təmsil edən vəkil, yaxtanın Rusiya milyarderi ilə heç bir əlaqəsi olmadığını müdafiə edib.

Kərimovun köməkçisi Aleksey Krasovskiy RBC-yə bildirib ki, millət vəkilləri və senatorlar "özlərinə aid əmlak haqqında əvvəlcədən bəyanatlar verirlər". Onun sözlərinə görə, Kərimovun bütün əmlakı həmin bəyanatlarda göstərilib.

Xatırladaq ki, keçən ilin oktyabr ayında ABŞ hakimiyyəti "superyaxta"nın müsadirə edilməsi üçün məhkəməyə müraciət edib. Əvvəlcə o, anti-Rusiya sanksiyaları çərçivəsində saxlanılıb. Vaşinqtonun məlumatına görə, yaxta, Kərimov tərəfindən 2021-ci ildə, sahibini gizlətmək üçün yaradılmış bir sıra offşor şirkətlər vasitəsilə alınıb.