Trampın Rusiyaya münasibəti bəzi ölkələri narahat edir

"ABŞ prezidenti Donald Tramp Ukrayna ilə bağlı sülh müqaviləsinin imzalanması üçün Finlandiyanı və İsveçin NATO-dan çıxarılmasına razı ola bilər",

“Ulusum”.az xəbər verir ki, bunu Finlandiya Beynəlxalq Münasibətlər İnstitutunun elmi işçisi Yussi Lassila STT nəşrinə bildirib. O, ABŞ liderinin Rusiyaya qarşı göstərdiyi qeyri-adi güzəştə gedə biləcəyini qeyd edib.

Mütəxəssis izah edib ki, Tramp, Kreml tərəfindən 1997-ci il sərhədlərinə qayıdılması tələbinə razılaşa bilər ki, bu da Finlandiyanın və İsveçin Alyansdan çıxarılmasını nəzərdə tutur. Buna görə də Lassila maraqlı tərəfləri buna hazır olmağa və soyuqqanlı olmağa çağırıb.

Onun proqnozlarına görə, Rusiya üçün təhlükəsizlik tələbləri ümumilikdə dəyişməyib, amma hazırda bu tələblərin irəliləməsi üçün daha güclü potensiala sahibdirlər. "Bunun səbəbi isə Trampdır, çünki o, görünür, Ukraynada hər hansısa şərtlərlə sülh istəyir". Bu vəziyyətdə Rusiyadan daha sərt tələblərin səslənməsi mümkündür"- deyə mütəxəssis bildirib.

"Rusiyanın əsas məqsədi ABŞ-ı Avropadan qovmaq və bu şəkildə Avropanı təhlükəsizlik baxımından Moskvanın nəzarətində saxlamaqdır", deyə politoloq vurğulayıb.

Səidə