Ukraynanın Aİ-yə daxil olması üçün vaxt çərçivəsi açıqlanıb

Avropa Komissiyasının sədri Ursula fon der Lyayen, Ukraynanın 2030-cu ilə qədər Avropa İttifaqına qoşulmasının mümkünsüz olmadığını qeyd edib.

“Ulusum”.az xəbər verir ki, bu barədə o, Litva prezidenti Gitans Nausedanın təklifinə cavab olaraq bildirib. Nauseda Ukraynanın 1 yanvar 2030-cu ildən siyasi birliyə qəbulunu təklif etmişdi.

Fon der Lyayen, Nausedanın təklifini "çox nəcib təşəbbüs" adlandırıb və bunun böyük siyasi iradə və möhtəşəm dəstəyin göstəricisi olduğunu vurğulayıb. Lakin eyni zamanda, o, Aİ-yə üzvlük prosesinin həmişə nailiyyətlər və töhfələri nəzərə alacağını qeyd edib.

“Bu, müəyyən şərtlər və islahatların yerinə yetirilməsini tələb edir. Onları həyata keçirməlisiniz. Bu səbəbdən qoşulma şərtləri həm Avropa İttifaqı, həm də qoşulmaq istəyən ölkə üçün doğru və düzgün olmalıdır. Bu həmişə vacibdir,” – deyə fon der Lyayen əlavə edib.

Səidə