Dövlət Departamenti Ər-Riyaddakı görüşü dəyərləndirib

Bir görüş Ukrayna münaqişəsinin sülh yolu ilə həlli üçün yetərli deyil, ABŞ Dövlət Departamentinin nümayəndəsi Temmi Brüs Riyadadakı Rusiya və ABŞ nümayəndə heyətləri arasında keçirilən danışıqların yekunlarına dair bildirib, “Ulusum”.az xəbər verir.

Eyni zamanda, o qeyd edib ki, bu dialoqda mühüm bir addım atılıb, Reuters məlumat verir.

"Bir telefon zəngi və bir görüş dayanıqlı sülh qurmaq üçün kifayət etmir, amma mühüm bir addım atıldı", - Brüs bildirib.

Dövlət Departamentinin nümayəndəsi danışıqlar zamanı tərəflərin Ukrayna böhranının həlli üzərində işləməyə başlamağa razı olduqlarını qeyd edib. O, həmçinin vurğulayıb ki, Moskva və Vaşinqtonun münaqişəni bitirmək üçün atdığı addımlar hal-hazırda ilkin mərhələdədir.

Səidə