Qadınlara ictimai yerlərdə əmizdirmək hüququ verilməlidir

Rusiyada qadınların ictimai yerlərdə uşaqlarını əmizdirməsinə qanunla icazə verilməlidir. “Ulusum”.az xəbər verir ki, bu barədə Dövlət Dumasının ailə, ata, ana və uşaq məsələləri üzrə komitə sədrinin birinci müavini Tatyana Butskaya Telegram kanalında açıqlama verib.

Butskaya bildirib ki, qanunda "heç kəsin qadının uşağını ictimai yerdə əmizdirməsinə mane ola bilməyəcəyini" göstərmək çox vacibdir.

O, qadınların uşaqlarını əmizdirmə hüququnun heç bir şəkildə məhdudlaşdırılmamalı olduğunu vurğulayıb. Butskaya, hakimiyyətin qadınların bu prosesi rahat şəkildə həyata keçirməsi üçün düşünəcəyini də əlavə edib.

Keçən il kp.ru saytında keçirilən sorğuda rusların 69%-i ictimai yerlərdə əmizdirmənin uyğun olduğunu bildirdi. Həmin şəxslərin 57%-i qadınların uşağını əmizdirməsi zamanı sinəsini örtməsini vacib sayır, 12%-i isə bunun qeyri-məcburi olduğunu düşünür. Sorğuda iştirak edən 26% isə yeni doğulmuş uşaqları yalnız ana və uşaq otaqlarında əmizdirməyi düzgün hesab edir və ictimai yerlərdə daha çox belə otaqların olması lazım olduğunu vurğulayır.

Səidə