Ərdoğan-Zelenski görüşünün tarixi bəlli olub

"Türkiyə və Ukrayna prezidentləri Rəcəb Tayyib Ərdoğan və Vlodimir Zelenski 18 fevral çərşənbə axşamı görüşəcəklər".

“Ulusum”.az xəbər verir ki, bunu Türkiyə prezidentinin kommunikasiya idarəsinin rəhbəri Fahrettin Altun X sosial şəbəkəsində bildirib. Siyasətçilər ikitərəfli münasibətləri və strateji tərəfdaşlığı müzakirə edəcəklər.

Görüş zamanı Türkiyə və Ukrayna arasında strateji tərəfdaşlıq münasibətlərinin bütün aspektləri nəzərdən keçiriləcək, ölkə rəhbərləri həmçinin iki ölkə arasında əməkdaşlığın daha da gücləndirilməsi üçün atılmalı addımları müzakirə edəcəklər, — Altun qeyd edib.

Altun əlavə edib ki, Zelenski Türkiyə prezidenti tərəfindən dəvət edilərək rəsmi səfərlə ölkəyə gələcək. Həmçinin tərəflər Ukraynada baş verən son hadisələr və digər regional və qlobal məsələlər barədə fikirlərini bölüşəcəklər.

Səidə