Böyük Britaniya Ukraynaya qoşun göndərir?

Böyük Britaniya Baş naziri Kir Starmer, öz qoşunlarını Ukraynada sülh sazişinin icrasını təmin etmək üçün yerləşdirməyə hazır olduqlarını açıqlayıb.
“Ulusum”.az xəbər verir ki, o, The Telegraph-da dərc olunan məqaləsində bildirib:

"Böyük Britaniya, Ukrayna üçün təhlükəsizlik zəmanətlərinin sürətlə təmin edilməsində liderlik etməyə hazırdır", - deyə məqalədə qeyd olunub.

Starmer əlavə edib ki, bu, Ukraynanın silahlı qüvvələrinə daha çox dəstək vermək deməkdir.

"Amma bu, eyni zamanda, lazım gəldikdə öz qoşunlarımızı bölgələrə göndərərək Ukraynanın təhlükəsizlik zəmanətlərinin təmin edilməsinə kömək etmək istəyimizi və hazır olduğumuzu da göstərir", - dedi Böyük Britaniya Baş naziri.

O, Britaniya hərbçiləri üçün "potensial təhlükə" ilə əlaqəli məsuliyyəti başa düşdüyünü vurğulayıb.

"Amma Ukraynanın təhlükəsizliyinə verilən hər hansı bir kömək, kontinental təhlükəsizliyimizi və bu ölkəni təmin etməyə kömək edir", - deyə o qeyd edib.

Starmer, Böyük Britaniyanın "unikal bir rol" oynaya biləcəyini, sülh prosesi üçün Avropa ilə ABŞ arasında körpü kimi çıxış edə biləcəyini vurğulayıb.

"Qarşıdan gələn həlledici günlər bizim kontinental təhlükəsizliyimizin gələcəyini müəyyən edəcək. Mən Parisdə deyəcəyəm, sülh güc vasitəsilə gəlir. Amma əksinə də doğrudur. Zəiflik müharibəyə aparır", - deyə Starmer bildirib.

Səidə