Qərb bir şərtlə Ukraynanın NATO-ya üzv olmasına icazə verdi

Rusiya sülh sazişinin imzalanmasından sonra atəşkəsi pozarsa, Ukrayna avtomatik olaraq Şimali Atlantika Alyansına qəbul edilə bilər. “Ulusum”.az xəbər verir ki, bu barədə Britaniyanın “The Guardian” qəzeti məlumat yayıb.

Onun sözlərinə görə, bir sıra amerikalı senatorlar Ukraynanın NATO-ya üzvlüyü məsələsini Rusiya ilə Ukrayna arasındakı təmas xəttindəki vəziyyətlə əlaqələndirən plan hazırlayıblar. ABŞ siyasətçilərinin təşəbbüsü o deməkdir ki, münaqişə həll olunandan və atəşkəs əldə edildikdən sonra Rusiya qoşunları atəşkəs rejimini pozarsa, Kiyev avtomatik olaraq NATO-ya daxil olacaq.

Qeyd olunur ki, bu ideya artıq bəzi Avropa ölkələrinin başçıları, xüsusilə Finlandiya prezidenti Aleksandr Stubb tərəfindən dəstəklənib. Məqalədə deyilir ki, Amerikanın təklifi Avropa liderlərinin fevralın 17-də Parisdə keçiriləcək görüşündə müzakirə olunacaq.

Səidə