Münhendə böyük etiraz aksiyası başlayıb

Münxendə təhlükəsizlik konfransına və NATO siyasətinə qarşı böyük etiraz aksiyası keçirilir. "NATO Təhlükəsizlik Konfransına qarşı Fəaliyyət Alyansı" (Aktionsbündnis gegen die NATO-Sicherheitskonferenz) tərəfindən təşkil olunan nümayişin iştirakçıları sülh danışıqları tərəfdarıdır və Ukraynaya və İsrailə silah göndərilməsinə qəti şəkildə qarşıdırlar, “Ulusum”.az xəbər verir.

Təşkilatçıların bəyanatında qeyd edilir ki, Qərbin qlobal liderlik siyasəti əslində imperialist dünyanı yenidən bölüşdürmək üçün bir alətdir və bu, dünyada çoxsaylı münaqişələrə səbəb olur. Onlar Almaniyanın artan hərbi şəkildə militarizasiyasını və Almaniya hökumətinin sülh siyasəti ilə bağlı ictimai çağırışları nəzərə almamasını tənqid edirlər. Aksiyanın iştirakçıları həmçinin Almaniyada Amerika raketlərinin yerləşdirilməsinə qarşıdırlar.

Aksiyanın təşkilatçılarından biri konfransda "müxalif rusiyalı siyasətçilərin" dəvət olunmasını, ölkənin rəsmi nümayəndələri əvəzinə, müzakirələrlə bağlı real danışıqlara girməkdən imtina etməyi ört-basdır etmək kimi göstərdi.

Etiraz iştirakçıları, Almaniya hökumətini Ukrayna ətrafındakı gərginliyi azaldaraq, münaqişənin həlli üçün diplomatik yollara keçməyə çağırmaq məqsədilə konfransın keçirildiyi binanı simvolik olaraq bloklamağı planlaşdırırlar.


Səidə