Rumıniya prezidenti nə vaxt istefaya gedir?

Rumıniyanın hazırkı prezidenti Klaus Yohannis fevralın 12-də istefa verəcəyini açıqlayıb. “Ulusum”.az xəbər verir ki, bu barədə rumın liderinin mətbuat xidməti məlumat yayıb.

Mətbuat konfransında Yohannis bildirib ki, bir neçə gün sonra parlament onun vəzifəsindən kənarlaşdırılması ilə bağlı səs verməyi planlaşdırıb. Dövlət başçısının sözlərinə görə, belə bir halda Rumıniyada böhran başlayacaq.

"Rumıniyanı və rumın vətəndaşlarını bu böhrandan, bu lazım olmayan və mənfi inkişafdan qorumaq üçün Rumıniyanın prezidenti vəzifəsindən istefa verirəm. Fevralın 12-də vəzifəmdən gedəcəyəm", — deyə bəyanatda qeyd edilib.

Yohannisin prezidentlik səlahiyyətləri keçən ilin dekabrın 21-də seçkilərin ləğvi ilə başa çatıb. O, yeni prezident seçilənə qədər vəzifəsini icra etməyə davam edir.

Səidə