Sabiq nazir koloniya rəhbərliyini məhkəməyə verdi

Qazaxıstanın sabiq milli iqtisadiyyat naziri Kuandık Bişimbayev, keçən il vətəndaş həyat yoldaşı Saltanat Nukenovanı xüsusi amansızlıqla öldürmək və işgəncə verməkdə təqsirli bilinmişdi. O, hazırda cəza çəkdiyi koloniyanın rəhbərliyini məhkəməyə verib. Bişimbayev iddia edir ki, koloniyanın rəhbərliyi ona təşəkkür və ya mükafat vermir. “Ulusum”.az xəbər verir ki, bu barədə TengriNews Qazaxıstanın Cinayət-İcra Sistemi Komitəsinə (KUIS) istinadən məlumat yayıb.

Qurumun nəşrə verdiyi məlumata görə, "məhkumun iddia ərizəsi məhkəmə tərəfindən təmin edilməyib", çünki Bişimbayev əvvəlcə cəzaçəkmə rejimini pozub. KUIS-in mətbuat xidmətindən bildirilib: "Nəzərə alaraq ki, bu məhkumun bir pozuntusu mövcuddur, ona təşəkkür tətbiq edilməmişdir." Lakin Bişimbayevin konkret hansı pozuntunu törətdiyi açıqlanmayıb.

Bişimbayev, bir neçə təşəkkür aldıqdıqdan sonra valideynləri ilə əlavə qısamüddətli görüşlər əldə etmək istəyirdi. Lakin koloniyanın rəhbərliyi ona təşəkkür verməkdən imtina etdiyi üçün Bişimbayev məhkəməyə müraciət etmək qərarına gəldi.

Xatırladaq ki, Qazaxıstanın sabiq milli iqtisadiyyat naziri Kuandık Bişimbayev 9 noyabr 2023-cü ildə Astana şəhərindəki "Bau" restoranında həyat yoldaşı Saltanat Nukenovanı ölümcül döymüşdü. Həmin gün o, həbs edilmişdi. Cinayət işi üzrə məhkəmə araşdırması 2024-cü ilin mart ayının sonunda başlamışdır. Bişimbayev Nukenovanın qətlində qismən günahını etiraf etsə də, işgəncələr və xüsusi amansızlığı inkar etmişdir.



Səidə