ABŞ-da yeni genipavirus aşkarlanıb

Queensland Universitetinin alimləri ABŞ-ın Alabama ştatında yerqazanlarda yeni bir genipavirus növü – Camp-Hill aşkarlayıblar.

“Ulusum”.az xəbər verir ki, tədqiqat nəticələri Emerging Infectious Diseases (EID) jurnalında dərc edilib.

Mütəxəssislər bildirirlər ki, bu virus daxili orqanlara təsir edə və insan üçün potensial təhlükə yarada bilər. Analizlər göstərib ki, Alabama ştatında tutulan dörd şimal qısquyruq yerqazanının toxumalarında genipavirus infeksiyasına rast gəlinib. Bu isə həmin virusların Şimali Amerikada mövcud olduğunu sübut edir.

Alimlər hesab edirlər ki, genipavirusların yayılma miqyası əvvəl düşünüldüyündən daha genişdir və bu sahədə əlavə araşdırmalara ehtiyac var.

Genipaviruslar insanlara və heyvanlara yoluxa bilir. Onların ən təhlükəli növlərindən biri Hendra virusudur, hansı ki, ağciyərlərin şişməsi və daxili qanaxmalara səbəb ola bilər. Digər qorxulu növ isə Nipah virusudur, bu da beyin iltihabına gətirib çıxara bilər.

Səidə