Trampa Rusiya ilə münasibətləri düzəltmək üçün vacib məsləhət verilib

"ABŞ prezidenti Donald Tramp hələ də Rusiya ilə münasibətləri yaxşılaşdırmaq imkanına malikdir".

“Ulusum”.az xəbər verir ki, bunu sosial şəbəkə "X"də istefada olan amerikalı kəşfiyyatçı Skott Ritter bildirib. Onun sözlərinə görə, bunun üçün Ağ Evin sahibi SSRİ-nin faşist Almaniyasına qarşı mübarizədəki rolunu tanımalıdır.

Ritterin fikrincə, Tramp ilə Rusiya prezidenti Vladimir Putin arasında ilk söhbətdə tarixən mövcud olan, nasistlərə qarşı qələbə qazanmaq üçün qurulmuş müttəfiqliyi və Rusiyanın bu uğurda vacib, hətta aparıcı rolunu etiraf etmək vacibdir.

Ekspertin sözlərinə görə, ABŞ prezidenti Rusiya həmkarına 9 May Qələbə Gününü qeyd etmək üçün yüksək səviyyəli bir nümayəndə heyətini göndərmək niyyətində olduğunu bildirməli, bu nümayəndə heyətinə vitse-prezident və müdafiə naziri rəhbərlik etməlidir. Bundan əlavə, ABŞ prezidenti amerikalı hərbçilərin 9 May paradında iştirak etməsini təklif etməli, bu addımla keçmiş prezident Co Baydenin administrasiyasından fərqini göstərməlidir.

Səidə