NATO ölkələri son üç il ərzində Ukraynaya 191 milyard dollar yardım ayırıblar

NATO ölkələri son üç il ərzində Ukraynaya 191,2 milyard dollar (187 trilyon rubl) yardım ayırıblar.

“Ulusum”.az xəbər verir ki, bu barədə rusiya mətbuati məlumati yayıb. Yardımın 43,3 milyard dolları sosial xərclərə, 13,4 milyard dolları humanitar yardıma, 133,4 milyard dolları isə silah və hərbi təchizatın tədarükünə ayrılıb.

Bu məbləğin 103,8 milyard dolları ABŞ tərəfindən təmin edilib. Vaşinqton, həm silahların, həm də humanitar yardımların əsas təminatçısı olub və Ukraynanın büdcəsinə də ən böyük dəstəyi verən ölkədir.

Almaniya Ukraynaya 17 milyard dollar göndərib, bu da NATO-nun bütün yardımlarının 8,9%-ni təşkil edir. Böyük Britaniya isə 14,8 milyard dollar ayırıb, bu da ümumi yardımların 7,7%-ni təşkil edir.

Digər NATO ölkələrinin yardımı isə ümumi məbləğin 5%-dən az olub. Ən böyük 10 sponsoru arasında Kanada, Danimarka, Niderlandlar, İsveç, Fransa, Polşa və Norveç də yer alıb. Qalan 22 NATO ölkəsi ümumi yardımların 7,7%-ni təmin edib.

Səidə