1 yanvar tarixindən etibarən Milanda küçədə siqaret çəkmək qadağan edilib

İtaliyanın paytaxtı olan Milanda küçədə və ictimai yerlərdə siqaret çəkmək 1 yanvardan etibarən qadağan edilib, bəzi istisnalarla. Bu sərt məhdudiyyət "şəhərdə havanın keyfiyyətini yaxşılaşdırmaq" məqsədi güdür, euronews yazir, "Ulusum"az xəbər verir.

Qadağanı pozanlar 40 avrodan 240 avroya qədər cərimə edilə bilər.

Yerli hakimiyyət orqanları bildirir ki, bu tədbir "bütün ictimai yerlər, o cümlədən küçələr" üçün keçərlidir, amma "izolyasiya olunmuş yerlər" üçün istisna tətbiq olunur. Belə yerlərdə siqaret çəkən şəxslər, digər insanlardan ən azı 10 metr məsafədə olmalıdırlar.

Hazırkı qadağa, 2021-ci ildə başlanan və şəhərdə havanın keyfiyyətini yaxşılaşdırmaq məqsədini güdən təşəbbüsün son addımıdır. Rəsmi şəxslərin sözlərinə görə, bu, vətəndaşların sağlamlığını "passiv siqaret çəkmənin" zərərli təsirlərindən qorumaq məqsədini daşıyır.

Ancaq qadağa elektron siqaretlərə və veyplərə şamil edilmir.

2020-ci ildə Milan şəhər şurası şəhərdə havanın keyfiyyəti ilə bağlı qərar qəbul edib ki, bu da siqaret çəkmənin tədricən qadağan olunmasını və azalmasını nəzərdə tuturdu. 2021-ci ildə ilk məhdudiyyət tətbiq olunub və ictimai parklarda, uşaqların oyun sahələrində, avtobus dayanacaqlarında və idman obyektlərində siqaret çəkmək qadağan edilib.

2026-cı ildə Milanda və Kortinada keçiriləcək Qış Olimpiya Oyunları öncəsi tətbiq olunan bu qadağa, şəhərdə havanın keyfiyyətini əhəmiyyətli dərəcədə yaxşılaşdırmağı məqsəd qoyur.

Milan, havanın keyfiyyəti baxımından Avropanın ən çirklənmiş şəhərlərindən biridir. Moda mərkəzi olan şəhər, Po vadisinin mərkəzində yerləşir və böyük avtomobil hərəkətinə bağlı çox sayda tullantı ilə də əziyyət çəkir.

Səidə