Bloomberg ABŞ-ın Dövlət katibi Marko Rubionun Panamaya səfərini elan edib

ABŞ-ın Dövlət katibi Marko Rubio növbəti həftə Panamaya səfər etməyi planlaşdırır.

“Ulusum”.az-ın məlumatina görə, bu barədə Bloomberg öz mənbələrinə istinadən məlumat verir.

Agentlik yazır ki, yeni Dövlət katibinin ilk xarici səfəri Donald Trampın Panama Kanalı ilə bağlı açıqlamalarının ciddiliyini vurğulamalıdır.

Həmçinin, Latın Amerikaya etdiyi səfər çərçivəsində Rubio Qvatemala, Kosta Rika və El Salvadoru ziyarət etməyi planlaşdırır.

İnaugurasiya çıxışında 20 yanvarda Tramp, Çinin faktiki olaraq Panama Kanalını öz təsiri altına aldığı barədə mövqeyini təkrarlamışdır. O, bu yolun 1990-cı illərin sonlarında Panamaya təhvil verildiyini qeyd edib. "Biz onu Çinə vermədik, biz onu Panamaya verdik. Və biz onu geri alacağıq", - deyə Tramp bildirmişdi.

Yanvarın əvvəlində isə Tramp Panamaya Panama Kanalının nəzarətinin verilməsini 1999-cu ildə "axmaqlıq" adlandırmışdı. Respublikaçı, bu ölkənin təhvil veriləndən sonra "hər bir maddəni pozduğunu" iddia edib. Onun sözlərinə görə, Panamanın hakimiyyəti ABŞ-dan hərbi gəmilərin keçməsi üçün çox pul alır.

Səidə