Donald Tramp 78 icra qərarını ləğv edən sərəncam imzalayıb

ABŞ prezidenti Donald Tramp, andiçmə mərasimindən sonra tərəfdarlarının iştirakı ilə 78 icra qərarını ləğv edən sərəncam imzalayıb.

İmzalamadan əvvəl o, "əvvəlki administrasiyanın təxminən 80 dağıdıcı və radikal icra aktını ləğv edəcəyini" bildirib və əlavə edib ki, "bunların hamısı təxminən beş dəqiqə ərzində qüvvədən düşəcək".

Bundan əlavə, o, yeni administrasiyanın formalaşması tamamlanana qədər dövlət tənzimləmə prosesinin dayandırılması, yeni dövlət qulluqçularının işə qəbulunun təxirə salınması (hərbi qulluqçular və bir sıra digər kateqoriyalar istisna olmaqla), Paris iqlim razılaşmasından çıxılması və BMT-yə bu qərarın səbəbləri ilə bağlı məktub göndərilməsi, siyasi rəqiblərə qarşı dövlət strukturlarının istifadəsinə qarşı sərəncam və söz azadlığına dair bir sıra digər qərarları imzalayıb.

Səidə