CBS News: ABŞ və Meksika arasında qaçaqmalçılar tərəfindən tikilmiş tunel bağlanir

ABŞ hakimiyyəti, ABŞ və Meksika arasındakı sərhəddəki tuneli bağlamağa qərar verib.

“Ulusum”.az-ın məlumatina görə, xəbəri CBS News yayib. Qeyd olunur ki, tunel Meksikanın Ciudad Juarez şəhəri ilə Texasdakı El Paso arasında yerləşir və 10 yanvar tarixində aşkarlanıb.

Ciudad Juarez şəhərindəki qoşunların komandiri, general Xose Lemus bildirib ki, tunel qaçaqmalçılar tərəfindən tikilib və tikintisi bir neçə il davam edib.

Tunelin uzunluğu təxminən 300 metrdir. Tuneldə işıqlandırma və havalandırma sistemi mövcuddur. Keçid yağış sularının kanalizasiya sistemində gizlədilib. Tunelin hündürlüyü iki metr, eni isə 1.2 metr təşkil edir. Meksika Baş Prokurorluğu hadisəyə yerli məmurların iştirakı ilə bağlı araşdırma aparır.

Səidə Mustafa