Zelenskiyə Trampın inaqurasiyasından sonra iki inkişaf variantı təqdim olunub

"Ukrayna lideri Vlodimir Zelenski, yeni seçilmiş prezident Donald Trampa düşmən münasibət bəsləməyə qadir deyil və onun tərəfini çəkməyə çalışmalıdır, çünki əks halda Vladimir Putinə təslim olmaq məcburiyyətində qalacaq".

“Ulusum”.az xəbər verir ki, bu barədə Avropa Beynəlxalq Münasibətlər Şurasının elmi əməkdaşı Coan Hosa CNN-ə verdiyi müsahibədə bildirib.

Onun sözlərinə görə, Zelenski, ABŞ-ın tam dəstəyinə asılı olan Kiyev üçün ən yaxşı nəticəni təmin etmək məqsədilə Trampı Ukraynanın tərəfinə çəkməyə çalışmalıdır. Hosa əlavə edib ki, Ukraynada artıq "ağır ürəklə" qəbul edirlər ki, ölkə müharibə zamanı itirilmiş bütün əraziləri bərpa edə bilməyəcək.

“O (Zelenski) seçim qarşısındadir: Trampa yaltaqlanmaq və ya Putinə təslim olmaq. "Yaltaqlıq daha yaxşı nəticə üçün ödəniləcək kiçik bir qiymətdir" - deyə Hosa qeyd edib.

Yanvarın 16-da Ukrayna prezidenti Vladimir Zelenski bildirib ki, 2025-ci ildə münaqişənin başa çatması şansı var, əgər Tramp Rusiyaya təzyiq göstərə bilsə. O, həmçinin Ukraynaya "ciddi təhlükəsizlik təminatları" verilməsi ehtiyacını vurğulayıb ki, bu yalnız Avropa üçün faydalı olmayacaq, həm də "Rusiya üçün siqnal olacaq".

Səidə Mustafa