Yeni seçilmiş prezident: Mən Üçüncü Dünya Müharibəsinin qarşısını alacağam

Seçkilərdə qalib gəlmiş ABŞ prezidenti Donald Tramp Vaşinqtonun mərkəzindəki Capital One Arena-da tərəfdarları qarşısında çıxış edərək, Ukraynada döyüşləri dayandırmağa söz verib.

“Ulusum”.az xəbər verir ki, bu barədə AP News məlumat verib. O, 47-ci prezident kimi andiçmə mərasimindən əvvəl tərəfdarlarını əmin edərək, Üçüncü Dünya Müharibəsinin qarşısını alacağını bildirib.

"Mən Ukraynada müharibəni sona çatdıracağam. Mən Yaxın Şərqdəki xaosu dayandıracağam və Üçüncü Dünya Müharibəsinin qarşısını alacağam," — deyə Tramp bildirib.

Onun ətrafındakı mənbə NBC News-ə bildirib ki, Tramp ikinci prezidentlik müddətinin ilk günündə 100-ə qədər fərman imzalamağı planlaşdırır. Gözlənilir ki, bu sənədlər əvvəlki seçki vədlərinin, keçmiş prezident Co Baydenin siyasətinin ləğvi və federal işçi qüvvəsinin strukturunun dəyişdirilməsi ilə bağlı olacaq.


Səidə Mustafa