Kanada sakinləri TikTok-un fəaliyyətinin dayandırılmasından şikayətləniblər

Kanada sakinləri ABŞ-da TikTok-un bloklanmasından sonra sosial şəbəkəyə daxil ola bilmədiklərini bildiriblər,

“Ulusum”.az xəbər verir ki, məlumati The Mirror US xəbər verir. Qeyd olunur ki, kanadalılar tətbiqə daxil ola bilmirlər, çünki ekranda ABŞ-da yaşayanlarla eyni məlumat göstərilir: "TikTok-u qadağan edən qanun ABŞ-da qüvvəyə minib. Təəssüf ki, bu o deməkdir ki, hal-hazırda TikTok istifadə edə bilmirsiniz."

Ekranın alt hissəsində iki düymə var: "Daha çox məlumat əldə et" və "Tətbiqi bağla". "Daha çox məlumat əldə et" düyməsinə basdıqda istifadəçilər tətbiqin rəsmi saytına yönləndirilir və orada eyni mesaj göstərilir: "Təəssüf ki, TikTok hazırda mövcud deyil." Bu səbəbdən onlarla kanadalı X sosial şəbəkəsində narazılıqlarını bildirib. Nəşr dəqiqləşdirir ki, tətbiq bütün Kanada istifadəçilərində bloklanmayıb.

"Yaradılan vəziyyətə baxın, niyə TikTok işləməyir? Mən Kanadadayam!", "Mənim TikTok-um bloklanıb, mən Kanadada yaşayıram," — internet istifadəçiləri şikayətlənirlər.


Səidə Mustafa