TikTok son saatlarda qadağa ilə bağlı qanunun ləğvini tələb edib

Çinin sosial şəbəkəsi TikTok, ABŞ-da bloklanmadan əvvəl, prezident Co Baydenin administrasiyasına müvafiq qadağanı ləğv etməyi tələb edərək, amerikalı istifadəçiləri xəbərdar edib ki, əgər bu addım atılmasa, şirkət ABŞ-da fəaliyyətini dayandırmağa məcbur olacaq.

TikTok-un yayımladığı bəyanatda qeyd edilir: "Əgər Bayden administrasiyası dərhal son qərarını verməzsə və ən vacib xidmət təminatçılarını razı salacaq, qanunun tətbiq edilməyəcəyini təmin etməzsə, təəssüf ki, TikTok 19 yanvarda fəaliyyətini dayandıracaq".

“Ulusum”.az xatirladir ki, ötən gün ABŞ Ali Məhkəməsi, ByteDance şirkəti TikTok-u amerikalı sahibkarlara satmazsa, tətbiqin ABŞ-da istifadəsinin qadağan olunmasının qanuni olduğunu təsdiqləyib. Əgər 19 yanvarda amerikalı sahibkarlara satılmasa, həmin tarixdən TikTok ABŞ-da bloklanacaq. Məhkəmə qərarına görə, tətbiqin yayılmasını təmin edən əsas platformalar (Appstore və Play Market) tətbiqi silməli olacaqlar ki, bu da sanksiyalardan qaçınmaq məqsədini güdür.

Səidə Mustafa