Bayden vida nitqində ABŞ-da demokratiya üçün oliqarxiyanın təhlükəsindən bəhs edib

Co Bayden, öz vida müraciətində ABŞ vətəndaşlarını ölkədə ən böyük texnoloji milyarderlərin iştirak etdiyi oliqarxiyanın yaranmasına yol verməməyə çağırıb. O, belə bir oliqarxiyanın cəmiyyətin bərabərliyini təhdid edəcəyini, demokratik dəyərləri zəiflədəcəyini və xalqın əsas hüquqlarına, azadlıqlarına təhlükə yarada biləcəyini vurğulayıb. Bayden, ölkənin gələcəyini qorumaq üçün bu cür təsirlərin qarşısının alınmasının vacib olduğunu bildirib.

"Bu gün Amerikada böyük zənginlik, hakimiyyət və təsirə malik oliqarxiya formalaşır, bu da bizim bütün demokratiyamıza, əsas hüquq və azadlıqlarımıza real təhlükə yaradır", — deyə 82 yaşlı Bayden Ağ Evdən, Oval otaqdan yayımlanan televizion çıxışında bildirib.

Baydenin sözlərinə görə, ABŞ-ın inkişafını və azadlığını qorumaq üçün, hər kəsin bərabər imkanlara malik olması, ölkədəki siyasi və iqtisadi gücün cəmləşməsinin qarşısının alınması zəruridir. O, texnologiya və sənaye sahələrində böyük gücə malik olan şəxslərin və şirkətlərin öz şəxsi maraqlarını dövlətin və xalqın maraqları ilə üst-üstə qoymamalı olduqlarını qeyd edib. Bu çağırış, həm də əvvəlki prezidentlərdən, xüsusən də Duayt Eyzenhauerin "hərbi-sənaye kompleksinə" dair etdiyi xəbərdarlıqlarla oxşar bir məna kəsb edir.

Səidə Mustafa