Donald Tramp ABŞ Hərbi Hava Qüvvələri Komandanlığına namizədini irəli sürüb

ABŞ-ın seçilmiş prezidenti Donald Tramp, Troy Maynki Hərbi Hava Qüvvələri naziri vəzifəsinə namizəd göstərib.

Tramp özünün Truth Social sosial şəbəkəsində bildirib ki, Maynk müdafiə naziri vəzifəsinə namizəd göstərilmiş Pit Hegsetlə birgə çalışaraq, "ölkəmizin Hərbi Hava Qüvvələrinin dünyanın ən effektiv və ölümcül gücü olmasını təmin edəcək, çünki biz sülhü güc vasitəsilə təmin edirik".

Hazırda Troy Maynk ABŞ Milli Hərbi-Kosmik Kəşfiyyat İdarəsinin (NRO) baş direktorunun birinci müavini vəzifəsində çalışır.

Əgər Senat Maynkin namizədliyini təsdiqləsə, o, Hərbi Hava Qüvvələrinin ən vacib proqramlarına, o cümlədən yerüstü bazalı qitələrarası ballistik raket sisteminin modernləşdirilməsi üzrə Sentinel proqramına rəhbərlik edəcək.

Səidə Mustafa