Bayden vida müraciətində Tramp administrasiyasına uğurlar arzulayıb

ABŞ-ın vəzifədən gedən prezidenti Co Bayden xalqa vida müraciətində ABŞ-ın seçilmiş prezidenti Donald Trampın administrasiyasına uğurlar arzuladığını bildirib. "Ulusum".az xəbər verir ki, vida çıxışı Ağ Evin YouTube kanalında yayımlanıb.

Hazırkı Amerika lideri, həmçinin öz varisinə hakimiyyətin dinc yolla təhvil verilməsini təmin etdiyini vurğulayıb.

6 yanvarda Donald Tramp, Baydenin hakimiyyəti təhvil vermə prosesini çətinləşdirdiyini iddia edib. Onun sözlərinə görə, bu barədə Bayden administrasiyasının cari ayda elan etdiyi ekoloji və neft hasilatı ilə bağlı qərarları sübut edir. Tramp artıq neft və qaz hasilatının ABŞ-ın kontinental şelfində qadağan edilməsinə dair Baydenin qərarını ləğv edəcəyinə söz verib.

Səidə Mustafa