Livanın yeni baş naziri BMT Beynəlxalq Məhkəməsinin sədri təyin edilib

Livanın yeni baş naziri olaraq BMT Beynəlxalq Məhkəməsinin (ICJ) sədri Navaf Salam təyin edilib.

"Ulusum".az xarici mətbuata istinadən xəbər verir ki, bu qərar, Livan prezidenti Cozef Aunun, parlamentin 84 deputatının Salamın namizədliyini dəstəkləməsi nəticəsində qəbul edilib. Salam, təyin edilməzdən əvvəl uzun müddət Haaqada yerləşən BMT Beynəlxalq Məhkəməsinə rəhbərlik edirdi.

Yeni baş nazirin təyin olunması Livanda müsbət qarşılanıb, çünki onun qərbyönlü siyasi qüvvələr və müstəqil deputatlar tərəfindən dəstəkləndiyi bildirilir. Həmçinin, Salamın Səudiyyə Ərəbistanı tərəfindən dəstəkləndiyi də məlumdur. Livanda siyasi gərginliklər və təlatümlü dövr ərzində Salamın baş nazir təyin edilməsi, ölkənin siyasi sabitliyinə töhfə verəcəyi ümid edilir.


Səidə Mustafa