Bayden: ABŞ mövqelərini gücləndirib və müharibəyə cəlb olunmaqdan qaçıb

ABŞ Prezidenti Co Bayden, son xarici siyasət nitqində özünü və administrasiyasını, onların rəhbərliyi altında ölkənin qlobal liderlik uğrunda mübarizədə mövqelərini gücləndirdiyi üçün tərifləyib. O, həmçinin qeyd edib ki, bu müddət ərzində ABŞ hərbi əməliyyatlara cəlb olunmaqdan qaçıb.

"Bizim milli gücümüzün mənbələri dörd il əvvəl hakimiyyətə gəldiyimizdən daha güclüdür. Bizim alyanslarımız daha möhkəmdir, rəqiblərimiz və düşmənlərimiz zəifləyib, Amerika isə heç vaxt olmadığı qədər güclüdür," – deyə siyasətçi vurğulayıb.

Bayden həmçinin ABŞ-ın əldə etdiyi nailiyyətləri sadalayıb. Bunlar arasında diplomatiya, hərbi güc, texnologiyalar və iqtisadiyyat ön plana çıxıb. Amerikanın lideri əlavə edib ki, Vaşinqtonun alyanslarının sayı artıb.

Səidə Mustafa