Azərbaycan Kinematoqrafçılar İttifaqı yeni təlimə başlayır

Azərbaycan Kinematoqrafçılar İttifaqı (AKİ) “Mən qadınam” adlı tammetrajlı bədii film üçün ssenari müsabiqəsi elan edib. Müsabiqəyə qatılmaq istəyənlər, lakin ssenari yazılışı texnikasına bələd olmayanlar "Ssenaristin əlifbası" ibtidai intensiv təlimə qoşula bilərlər.

"Ulusum".az xəbər verir ki, İttifaqdan bildirilib ki, təlimin mentoru, rejissor və prodüser Oleq Səfərəliyevdir.

Təlim, yanvarın 18, 19, 25 və 26-da AKİ-nin Bülbül prospekti 30 ünvanında yerləşən ofisində keçiriləcək.

İştirak etmək istəyənlər [email protected] email ünvanına "Ssenaristin əlifbası" başlığı altında müraciət edə bilərlər.

Təlimdə iştirak ödənişsizdir.