CNN Brasil: Braziliyada torpaq sürüşmələri nəticəsində doqquz nəfər həlak olub

Braziliyanın cənub-şərqində yerləşən Minas-Cerays ştatında torpaq sürüşmələri nəticəsində ən azı 9 nəfər həlak olub, bir nəfər isə itkin düşüb.

"Ulusum" az xəbər verir ki, bu barədə CNN Brasil telekanalı ştatın yanğın xidməti məlumatlarına istinadən xəbər verib.

Minas-Ceraysda 180 gün müddətinə fövqəladə vəziyyət elan edilib. Bölgədə şənbə gecəsi şiddətli yağışlar yağıb, torpaq sürüşmələri nəticəsində ən çox zərər görən şəhər İpatinqa olub, burada 220 mindən çox insan yaşayır. Bütün ölənlər İpatinganın sakinləridir, 150 nəfər isə dağıntılar səbəbindən evsiz qalıb, bu barədə telekanal məlumat verib.

CNN Brasil bildirir ki, ştatın qubernatoru Romeu Zima 13 yanvarda İpatinqaya səfər edərək dağıntıların miqyasını qiymətləndirəcək və lazım olan yardımın həcmini müəyyən edəcək.


Səidə Mustafa