ABŞ-ın keçmiş kəşfiyyatçısı Skott Riter Blinkeni hərbi cinayətkar adlandırıb

ABŞ-ın keçmiş kəşfiyyatçısı Skott Riter, ABŞ Dövlət katibi Entoni Blinkenin hərbi cinayətkar olduğunu və ədalətli cəza almasini bildirib.

"Ulusum".az xəbər verir ki, bu barədə o, sosial şəbəkə X-də (əvvəlki Twitter) paylaşım edib.

Riter bu fikri Blinkenin dövlət katibi vəzifəsindən ayrılacağı ilə bağlı verdiyi açıqlamaya şərh olaraq qeyd edib. “Ümid edirəm ki, sənə qarşı araşdırma aparılacaq, ittiham irəli sürüləcək və günahkar bilinəcəksən. <...> Ümid edirəm ki, sən ədalətli şəkildə layiq olduğun cəzanı alacaqsan”, – deyə keçmiş kəşfiyyatçı yazıb.

O əlavə edib ki, Blinken Ukrayna münaqişəsinin gərginləşməsində birbaşa məsuliyyət daşıyır. Riterin fikrincə, məhz Blinkenin fəaliyyətinə görə çoxsaylı insanların qanı onun əlindədir. Həmçinin, o vurğulayıb ki, ABŞ dövlət katibi Co Baydenin zəifliyindən istifadə edərək Birləşmiş Ştatları Rusiya ilə nüvə müharibəsi həddinə çatdırıb.

Səidə Mustafa