BFMTV: Strasburqda tramvayların toqquşması nəticəsində 20 nəfər xəsarət alıb

Strasburqda iki tramvayın toqquşması nəticəsində 20 nəfər xəsarət alıb. Bu barədə BFMTV məlumat yayıb.

Aşağı Reyn yanğın-xilasetmə xidməti dəqiqləşdirib ki, hadisə Mərkəzi vağzal dayanacağında baş verib.

Televiziya kanalının hüquq-mühafizə orqanlarındakı mənbələrinə əsasən, toqquşmaya yol dəyişdirmə səhvi səbəb olub.

Yayılan məlumatda vurğulanır ki, qəza tramvay xətlərində ciddi gecikmələrə səbəb olub.

Telegram kanalı Mash-ın məlumatına görə, insident nəticəsində ən azı 30 nəfər xəsarət alıb.

Səidə Mustafa