ABŞ danışıqlara hazırlaşır: Trump Putinlə görüşəcəyini elan edib

ABŞ-ın seçilmiş prezidenti Donald Trump Floridadakı iqamətgahında jurnalistlərlə söhbət zamanı Rusiya lideri Vladimir Putinlə görüşəcəyini elan edib. Siyasətçi vurğulayıb ki, hazırda tərəflər bu görüşün hazırlığı ilə məşğuldur.

"O [Putin] görüşmək istəyir və biz təşkilatçılıqla məşğuluq," – deyə Trump bildirib.

Eyni zamanda, yeni ABŞ lideri Birləşmiş Ştatlar, Rusiya və Çin rəhbərlərinin üçtərəfli görüşünün keçirilib-keçirilməyəcəyinə dair birbaşa cavab verməkdən yayınıb. Onun sözlərinə görə, bu məsələ daha sonra müəyyən ediləcək.

Trump əlavə edib ki, Rusiya liderinin onunla təmaslara hazır olduğunu bilir.

"Mən bilirəm ki, Putin görüşmək istəyir. Amma düşünmürəm ki, bu, 20-dən əvvəl (İnaqurasiya tarixi) məqsədəuyğun olar," – deyə o bildirib.


Səidə Mustafa