Maskın ABŞ administrasiyasına daxil olması Aİ kosmik sənayesinə təhlükə yarada bilər

İlon Maskın SpaceX şirkətinin qurucusu olaraq ABŞ administrasiyasına daxil olması, ABŞ-da seçilmiş prezident Donald Trumpin andiçmə mərasimindən sonra, Avropa İttifaqı ölkələrinin kosmik sənayesinin inkişafına təhlükə yarada bilər. Bu barədə Fransa Müdafiə Naziri Sebastien Lekornu "Europe 1" radiosuna müsahibəsində xəbərdarlıq edib.

"Əsl təhlükə ondadır ki, SpaceX və onun rəhbəri İlon Mask ilk dəfə olaraq ABŞ administrasiyasına daxil olacaq və bu, özəl maraqların birbaşa dövlətin idarəçiliyinə yaxınlaşacağı bir vəziyyət yaradacaq" -Lekornu qeyd edib.

Nazirin sözlərinə görə, Avropa dövlətləri, Maskın Trump administrasiyasına daxil olmasına necə reaksiya verəcəklərini müəyyən etməlidirlər. Bu, ABŞ-ın kosmik sənayesi ilə bağlı Avropa İttifaqı ölkələrinin suverenlik və kosmos sahəsinə çıxış məsələlərini təhdid edir.

Səidə Mustafa