Avstriya Prezidenti ultra-sağçılara hökumət yaratmağı tapşırıb

Avstriya Prezidenti Aleksandr Van der Bellen ultra-sağçı "Azadlıq Partiyası"nın lideri Herbert Kiklə yeni hökumət formalaşdırmağı tapşırib. Bu barədə "Der Standard" məlumat yayıb.

Avstriya Prezidentinin ultra-sağçı qüvvələrə yeni hökumət formalaşdırma tapşırığı verməsi ölkədə və beynəlxalq ictimaiyyətdə geniş müzakirələrə səbəb olub. Bu qərar, Avstriyanın siyasi spektrində mühüm dönüş nöqtəsi kimi qiymətləndirilir və bir sıra suallar doğurur: bu addım Avstriyanın daxili və xarici siyasətinə necə təsir edəcək? Ölkənin Avropa İttifaqı ilə münasibətlərində dəyişikliklər baş verə bilərmi?

Ultra sağçı-siyasi qüvvələr əsasən mühafizəkar dəyərləri, sərhədlərin daha ciddi qorunmasını, miqrasiya siyasətinin sərtləşdirilməsini və milli maraqların ön planda tutulmasını dəstəkləyir. Bu baxımdan, yeni hökumətin qurulması zamanı onların ideoloji xətti dövlət siyasətinə ciddi təsir göstərə bilər.

Bununla yanaşı, Avstriya Prezidenti Van der Bellen hökumətin formalaşdırılması zamanı bəzi əsas prinsiplərə sadiqliyin vacibliyini vurğulayıb. Bu prinsiplər arasında qanunun aliliyi, hakimiyyətin bölgüsü, insan hüquqları, azlıqların müdafiəsi, azad media və ölkənin Avropa İttifaqına üzvlüyü yer alır.


Səidə Mustafa