Rusiya hərbçiləri Ukrayna Silahlı Qüvvələrinin aerodrom infrastrukturuna zərbələr endiriblər

Rusiya qoşunları sutka ərzində Ukrayna Silahlı Qüvvələrinin hərbi aerodromlarının infrastrukturuna, canlı qüvvə və hərbi texnika yığıncaqlarına 137 rayonda zərbələr endirib.

"Ulusum.az" xəbər verir ki, bu barədə Rusiya Müdafiə Nazirliyi məlumat yayıb.

Qurumun məlumatına görə, zərbələr aviasiya mərmiləri, zərbə dronları, raketlər və artilleriya vasitəsilə həyata keçirilib. Bundan əlavə, Rusiya Hərbi-Kosmik Qüvvələrinin qırıcı aviasiyası Ukrayna Hərbi Hava Qüvvələrinə məxsus MiQ-29 təyyarəsini vurub.