Prezident İlham Əliyev Telli Pənahqızını yüksək ordenlə təltif etdi

Prezident İlham Əliyev, Telli Pənah qızı Əliyevanı 2-ci dərəcəli "Vətənə xidmətə görə” ordeni ilə təltif edib.

Ulusum.az xəbər verir ki, Prezident İlham Əliyev bununla bağlı sərəncam imzalayıb. Telli Pənah qızı Əliyeva, Azərbaycan Respublikasının ictimai həyatında səmərəli fəaliyyətinə görə 2-ci dərəcəli "Vətənə xidmətə görə” ordeni ilə təltif olunub.

Qeyd edək ki, Telli Pənahqızı, əməkdar mədəniyyət işçisi, şairə və publisistdir. O, uzun illər boyunca Azərbaycan mədəniyyətinin inkişafına və ictimai həyatına verdiyi töhfələrlə tanınır. Sabah Telli Pənahqızının 70 yaşı tamam olur. Bu münasibətlə onun xidmətləri yüksək qiymətləndirilib və ordenlə təltif edilib.