İsrail Qətərdə HƏMAS rəhbərliyinə zərbə endirdi

İsrail Qətərin paytaxtı Dohaya bir neçə zərbə endirib. İlkin məlumata görə, hədəf orada iclas üçün toplaşan HƏMAS rəhbərliyi olub.

Çərşənbə axşamı Dohada bir neçə partlayış səsi eşidilib, şahidlər tüstü gördüklərini bildiriblər. Axios nəşrinin məlumatına görə, bu, İsrailin HƏMAS nümayəndələrinə qarşı həyata keçirdiyi zərbə olub.

İsrail Müdafiə Ordusu regionun adını çəkmədən bəyan edib ki, 7 oktyabrda İsrailə hücumlara birbaşa cavabdeh olan HƏMAS rəhbərliyinə zərbə endirib. Əməliyyat İsrail təhlükəsizlik və əks-kəşfiyyat xidməti ŞABAK ilə birgə keçirilib.



Daha sonra İsrailin Baş naziri Benyamin Netanyahu əməliyyatın İsrail tərəfindən həyata keçirildiyini təsdiqləyib.


Ulusum.az