Rusiyada alimlərin sayı azalır: 2015–2024-cü illərdə 20%-lik geriləmə

Rusiyanın elmi təşkilatlarında namizəd və ya doktor elmi dərəcəsinə sahib tədqiqatçıların sayı 2015-ci ildən 2024-cü ilə qədər 20% azalıb. Bu barədə 85 region üzrə Rosstat məlumat yayıb, — Vedomosti yazır.

Statistikaya görə, doktorların sayı 23% azalaraq 21,7 min nəfərə, namizədlərin sayı isə 19% azalaraq 67,9 min nəfərə düşüb. Mütəxəssislər bu azalmanı maliyyə çətinlikləri, kadrların yaşlanması və elmi işlərə qoyulan tələblərin sərtləşməsi ilə izah edirlər.


2019-cu ilin məlumatına görə, dövlət universitetlərində təxminən 39,6 min doktor və 146 min namizəd fəaliyyət göstərirdi. Hazırda Rusiyada bir elmi əməkdaşın orta aylıq maaşı 58 min rubl təşkil edir.

Ulusum.az