Tramp Pentaqonu “Müharibə Nazirliyi” adlandırmaq istəyir

ABŞ prezidenti Donald Trampın administrasiyası Pentaqonun adını “Müharibə Nazirliyi” olaraq dəyişdirmək imkanını araşdırır. Bu barədə The Wall Street Journal məlumatlı mənbələrə istinadən xəbər yayıb. Bildirilir ki, təşəbbüs yeni liderin ikinci prezidentlik müddətində reallaşdırıla bilər.

Məlumata görə, Pentaqon artıq qurumun və onun rəhbərinin vəzifəsinin adının dəyişdirilməsi üçün tələb olunan qanunvericilik təkliflərini hazırlamağa başlayıb. Çünki bu dəyişikliyin həyata keçirilməsi üçün ABŞ Konqresinin təsdiqi lazımdır, administrasiya isə təşəbbüsün reallaşması üçün alternativ yolları da nəzərdən keçirir.

Tarixi “Müharibə Nazirliyi” adı ABŞ-da 1789–1947-ci illərdə istifadə olunub. 1947-ci ildə bu qurum Milli Hərbi Nazirliyə çevrilib, 1949-cu ildə isə ABŞ Müdafiə Nazirliyi adını alıb.

Tramp dəfələrlə tarixi adın qurumun real funksiyalarına daha uyğun olduğunu bildirib. Bu məsələ ilə bağlı yekun qərarın yaxın vaxtlarda veriləcəyi gözlənilir.

Ulusum.az