Tramp Qəzzanın gələcəyi ilə bağlı gizli danışıqlar aparır

ABŞ prezidenti Donald Tramp Qəzza sektorundakı vəziyyəti kürəkəni Cared Kuşner və Böyük Britaniyanın sabiq baş naziri Toni Blerlə müzakirə edir. Bu barədə The New York Times mənbələrə istinadla yazır.

Məqalədə qeyd olunur ki, Tramp çərşənbə günü Oval kabinetdə Qəzzanın müharibədən sonrakı gələcəyi ilə bağlı uzunmüddətli görüş keçirib. Bu, İsrail və HƏMAS arasında atəşkəs sazişinin hələ də qeyri-müəyyən olduğu, bölgə əhalisinin isə humanitar böhranla üzləşdiyi bir vaxtda baş verib.

Qəzetin məlumatına görə, Tramp 90 dəqiqədən çox xüsusi nümayəndəsi Stiv Uitkoff və kürəkəni Cared Kuşnerlə söhbət edib. Görüşdə müəyyən müddət ərzində ABŞ-ın dövlət katibi Marko Rubio və Toni Bler də iştirak ediblər.

Ulusum.az