Argentina prezidentinin korteji daş və butulkalarla hücuma məruz qaldı

Argentina prezidenti Xavyer Mileynin korteji etirazçılar tərəfindən daş və butulkalarla atəşə tutulub. Bu barədə TASS məlumat yayıb.

Hadisə Lomas-de-Samora şəhərində seçkiqabağı tədbir zamanı baş verib. Etirazçılar müxtəlif əşyaları dövlət başçısının avtomobilinə atıblar. Bundan sonra prezidentin mühafizəçiləri Mileyi təcili şəkildə ərazidən uzaqlaşdırıblar.

Prezidentin nümayəndəsi Manuel Adorni bildirib ki, insident nəticəsində xəsarət alan olmayıb. Onun sözlərinə görə, baş verənlərə görə məsuliyyət ölkənin sabiq prezidenti Fernandes de Kirşnerin tərəfdarlarının üzərinə düşür.

Ulusum.az