DF-41 raketləri peyk görüntülərində – Çin ABŞ-a mesaj göndərdi

Çin 3 sentyabrda keçiriləcək paradda – Yaponiya üzərində Qələbənin və İkinci Dünya müharibəsinin başa çatmasının 80 illiyi münasibətilə öz hərbi gücünü nümayiş etdirməyə hazırlaşır. Bu barədə Bloomberg peyk şəkillərinə istinadla məlumat yayıb.

Peyk görüntülərində nələr var?

Şəkillərdə onlarla hərbi texnika əks olunub. Onların arasında:

zirehli texnika,

hava hücumundan müdafiə (HHM) sistemləri,

artilleriya qurğuları və raket sistemləri,

qanadlı raketlər.

Bundan əlavə, Çin arsenalında hipersəs sürətli silahlar da var. Onlar həm sürət, həm də manevr qabiliyyəti baxımından ənənəvi raketdənmüdafiə sistemlərini üstələyir.

DF-41 raketləri

Peyk şəkillərində həmçinin DF-41 tipli bərk yanacaqlı qitələrarası ballistik raketlər də görünüb. Bu raketlər:

birdən çox döyüş başlığı daşıya bilir,

təxminən 15 min km məsafəni qət etmək gücünə malikdir,

nəzəri olaraq ABŞ ərazisinə də zərbə endirə bilir.

Ekspertlərin qiymətləndirməsi

Bloomberg qeyd edir ki, Pekin bu dəfə diqqəti yüksək dəqiqlikli zərbələrə və pilotsuz müdafiə vasitələrinə yönəldib. Bu isə Çinin “yüksək texnologiyalı, intensiv müharibə”ni udmaq niyyətini göstərir.

Ulusum.az