Türkiyədə müdafiə şirkətinin sabiq rəhbərinə casusluq ittihamı

Türkiyədə casusluqda şübhəli bilinən MKE müdafiə şirkətinin keçmiş rəhbəri İsmet Sayxan saxlanılıb. Bu barədə Halk TV məlumat yayıb.

Məlumata görə, Sayxan İstanbul Baş Prokurorluğu tərəfindən aparılan və silahlı cinayətkar təşkilatla bağlı araşdırma çərçivəsində Ankarada tutulub. Təşkilatın rəhbərinin isə Selahəddin Yılmaz olduğu ehtimal edilir.

Əməliyyat İstanbul, Ankara, Antalya, Muğla və Samsunda keçirilib, nəticədə 17 nəfər şübhəli saxlanılıb. Onlardan 10 nəfəri, o cümlədən Selahəddin Yılmaz istintaqdan sonra məhkəməyə çıxarılaraq həbs edilib. 6 nəfər şərti olaraq azadlığa buraxılıb, 1 nəfər isə tamamilə sərbəst qalıb.

Ulusum.az