Trampın əlindəki göyərmə yenə diqqət çəkdi

ABŞ prezidenti Donald Trampın sağ əlində yenidən göyərmə müşahidə olunub. Bu dəfə izlərin üzəri qalın lay tonal krem ilə örtülsə də, xüsusən düzgün yayılmadığı üçün daha da diqqət çəkib. Bu barədə Daily Beast yazıb.

Jurnalistlərin qeyd etdiyinə görə, həmin gün Ağ Evdə çıxışı zamanı Tramp əksər vaxtlarda sağ əlini sol əlinin altında gizlədərək masanın üstündə saxlayıb.

Xatırladaq ki, ötən ay Ağ Ev prezidentdə xroniki venoz çatışmazlıq diaqnozu qoyulduğunu açıqlamışdı. Bu, Trampın yaş qrupundakı insanlar arasında geniş yayılmış xəstəlikdir.

Fevral ayında isə Ağ Evdən bildirilib ki, prezidentin əlindəki göyərmələrin səbəbi tez-tez əl sıxmaq olub.

Ulusum.az