ABŞ senatı Rusiyanı “terror sponsoru” elan edə bilər

ABŞ Konqresində Rusiyanın əsas tənqidçilərindən biri olan senator Lindsi Qrem Rusiyanın terrorizmin dövlət sponsorları siyahısına salınması ilə bağlı qanun layihəsini irəli sürmək niyyətindədir. Bu barədə o, sosial şəbəkə X səhifəsində yazıb.

Onun sözlərinə görə, Rusiya–Ukrayna münaqişəsi gedişində Moskva 19 minə yaxın ukraynalı uşağı oğurlayıb ki, bu da “vəhşi bir akt”dır.



Qrem əlavə edib ki, belə bir status Rusiyayla biznes qurmağı digər ölkələr və xarici şirkətlər üçün təhlükəli edəcək.

Terrorizmin dövlət sponsoru kimi tanınmaq ciddi nəticələrə gətirir: müdafiə ixracına qadağa, ikiqat təyinatlı mallara nəzarət və maliyyə məhdudiyyətləri tətbiq olunur. Hazırda bu siyahıda Suriya, İran, Şimali Koreya və Kuba var.

Rusiya XİN isə bəyan edib ki, belə bir qərar “geri dönüş nöqtəsi” olacaq və diplomatik münasibətlərin qırılmasına səbəb ola bilər.

Ulusum.az